“İlk olaraq Azərbaycanla qarşılaşacağıq. Bilirik ki, onların futbolçularının əksəriyyəti bu mövsüm Avropa Liqasında uğurla çıxış edən “Qarabağ”da oynayır”.

Apasport.az saytının məlumatına görə, bunu Moldova yığmasının baş məşqçisi Sergey Kleşenko Azərbaycan millisi ilə keçirəcəkləri yoldaşlıq oyunu barədə danışarkən deyib.

50 yaşlı mütəxəssis Moldova Futbol Federasiyasının rəsmi saytına açıqlamasında noyabrın 16-da Kişinyovda keçiriləcək görüşə hazır olduqlarını söyləyib: “Azərbaycan yığmasının legionerlərini də tanıyırıq. “InStat”dakı tərəfdaşlarımızdan məlumat alaraq, rəqibin kifayət qədər yaxşı təhlilini apardıq. Prinsipcə, məşqçilər korpusu Azərbaycanla görüşə hazırdır. İndi bizim vəzifəmiz bu məlumatları futbolçulara çatdırmaqdır”.

Qeyd edək ki, “Zimbru” stadionunda baş tutacaq Moldova - Azərbaycan qarşılaşması Bakı vaxtı ilə saat 21:00-da start götürəcək.

• Gənc cüdoçularımız Malaqada 6 medal qazanıblar
• Hüseyn Məhəmmədov: “Mərhələ adlamaq üçün əlverişli imkandır”
• Ali Koçun tarixi bonus qərarı: ÇL-də əsas mərhələyə qalacaqları təqdirdə komandaya 3 milyon avro veriləcək
• Xorvatiya pentakampeonları mundialdan kənarlaşdırdı - YENİLƏNİB
• Lukakuya İtaliyadan yeni müştəri