“Roma” cari mövsümdə ilk dəfə böyük hesabla uduzub.

Apasport.az saytının məlumatına görə, paytaxt təmsilçisi İtaliya A seriyasının V turunda “Udineze”yə 0:4 hesabı ilə məğlub olub.

Bu, “canavarlar”ın baş məşqçisi Joze Mourinyonun İtaliya çempionatındakı ən ağır məğlubiyyətidir. Antirekorda üzülən portuqaliyalı A seriyasında heç vaxt 4 və ya daha çox top fərqli yenilgi ilə üzləşməyib.

Onun məşqçilik karyerasında isə üçüncü dəfə belə hal yaşanıb. Mourinyolu “Real” “Barselona”ya 0:5, “Mançester Yunayted” isə “Çelsi”yə 0:4 hesabı ilə uduzub.

Qeyd edək ki, portuqaliyalı mütəxəssis A seriyasında avqustun ən yaxşı məşqçisi seçilib.
 

• Osimhenin zədədən qayıdacağı vaxt müəyyənləşdi - ÖZÜ AÇIQLADI
• Kadetlər arasında zona birinciliyinin final mərhələsi keçiriləcək
• “Abşeron Lions” heyətini yeni oyunçu ilə gücləndirib
• Millimiz Rusiya ilə yoldaşlıq oyunları keçirəcək
• Kişi voleybolçular arasında Azərbaycan Yüksək Liqasında yeni mövsümə start verilir