“Dünya çempionatında favoritim doğma komandamız olan Braziliya yığmasıdır”.

Bunu apasport.az saytına açıqlamasında “Neftçi”nin yarımmüdafiəçisi Gilyerme Pato noyabrın 20-də start götürəcək dünya çempionatı ilə bağlı danışarkən deyib.

Braziliyalı futbolçu “pentakampeonlar”dan 6-cı çempionluğu gözləyir. Ancaq 21 yaşlı hücumameyilli oyunçu Cənbubi Amerikanın digər təmsilçisi Argentinanı da fərqləndirib: “Mundialda Braziliyaya azarkeşlik edəcəyəm. Düşünürəm ki, onların favorit göstərilməsi də əbəs yerə deyil. Amma turnirdən sürpriz də gözləməyə dəyər. Mən Argentinanın sürpriz komanda ola biləcəyini düşünürəm”.

Qeyd edək ki, DÇ-2022-nin açılış oyunu noyabrın 20-də meydan sahibi Qətərlə Ekvador arasında keçiriləcək.

• Avropa çempionatı: İki boksçumuz 1/8 finala vəsiqə qazanıb
• "Bakı Kuboku" başa çatıb - “Neftçi” YEDDİNCİ OLDU
• "Tottenhem" və "Bornmut"u darmadağın etdilər
• "Narahatlıq yaradan məsələ qrup oyunlarının İsveçdə olmasıdır" - Vitali Borisov
• "Neftçi"nin yeni transferi: "Azarkeşlərə demək istəyirəm ki, Alfa buradadır" - Müsahibə