Parataekvondoçularımız Fransanın Montargis şəhərində keçirilən Avropa çempionatında 3 medal qazanıblar.

Federasiyadan apasport.az saytına verilən məlumata görə, Paris-2024 Yay Paralimpiya Oyunlarına lisenziya xalı verəcək yarış Azərbaycan milli komandası üçün uğurlu alınıb. 

Yığmamızın heyətində İmaməddin Xəlilov (70 kq, K-44)  gümüş medala yiyələnib. Eyni kateqoriyada mübarizə aparan Sabir Zeynalov (58 kq) və Amin Şıxəliyev (63 kq) isə üçüncü yeri tutublar. 

Azərbaycan bu nəticə ilə kişi komandaları arasında 5-ci olub. 

Qeyd edək ki, parataekvondoçularımız iyulun 2-də eyni məkanda Həmrəylik turnirində də mübarizə aparacaqlar.

• Elmar Baxşıyev: "Heç bir komandaya qarşı belə hakimlik arzulamıram"
• “Neftçi”ni kubok oyununa Mutu çıxarmayacaq
• Boksçularımız Rumıniyada beynəlxalq turnirdə mübarizə aparacaq
• Uruqvay millisinin hücumçusu Premyer Liqa yolunda
• Şarjah Masters turnirinə yekun vurulub