![“Qarabağ” mövqeyini qorudu, “Neftçi” gerilədi](https://ww3.apasport.az/storage/news/2023/october/28/big/653cdc31d64a7653cdc31d64a81698487345653cdc31d64a5653cdc31d64a6.jpg)
Avropanın top komandalarının növbəti reytinq cədvəli açıqlanıb.
Apasport.az xəbər verir ki, siyahıda “Köhnə qitə”nin 415 ən güclü klubu yer alıb.
Azərbaycan cədvəldə 4 klubla təmsil olunub. “Qarabağ” 224 xalla 74-cü pillədə qərarlaşıb. Qurban Qurbanovun yetirmələri ötən siyahıdakı mövqeyini qoruyub.
27 xala malik “Neftçi” isə bir pillə geriləyib. Adrian Mutunun yetirmələri Avropada 238-cidir.
“Sabah” bir pillə irəliləyib. Murad Musayevin baş məşqçisi olduğu komanda 20 xalla 265-cidir.
“Qəbələ” 3 pillə geriləyib. Elmar Baxşıyevin yetirmələri 5 xalla 380-cidir.
Qeyd edək ki, siyahıya 2205 xala malik “Real” başçılıq edir.