“Qarabağ” Azərbaycan Premyer Liqasının 2023/24 mövsümündə 50-ci qolunu vurub.

Apasport.az xəbər verir ki, bu, XX turun “Kəpəz”lə səfər matçına (2:1) təsadüf edib. Ağdam klubunun yubiley qoluna Toral Bayramov imza atıb.

“Qarabağ” ölkə çempionatları tarixində 15-ci dəfə mövsüm ərzində 50 və ya daha çox qol vurub. Bu, yarışın yeni rekordudur.

Bölgə təmsilçisi 14 dəfə “50”yə çatan “Neftçi”ni arxada qoyub. Ümumilikdə isə çempionatın 32 illik tarixində 62-ci dəfə komandalardan biri buna nail olub.

İndiyədək 17 klub belə məhsuldarlıq göstərib: “Qarabağ” – 15, “Neftçi” – 14, “Kəpəz” - 7, “Şamaxı” – 4, “Bakı”, “Turan”, “Şəmkir” – 3, “Karvan”, “Xəzər” S, “Xəzər Lənkəran” – 2, “Şüvəlan”, “Azəri”, “İnşaatçı” B, “Kürmük”, “Viləş”, “Sabah” və “Xəzri” – 1.

• Məhəmməd Abduallayev: “Avropa Oyunlarında qızıl medala iddialıyam”
• "Qarabağ" Emrelini geri qaytarmağa çalışır
• Birhoff getdi, növbədə Flikdir
• Paris-2024: Raman Saleydən bürünc medal
• 35 xallıq fərq