Bu həftə UEFA bayrağı altında keçiriləcək bütün oyunlar sükutla başlayacaq.

Apasport.az xəbər verir ki, bu barədə UEFA məlumat yayıb.

İsveçli tanınmış futbol məşqçisi Sven-Yoran Erikssonun vəfatı ilə əlaqədar matçlarda bir dəqiqəlik sükut olacaq.

Bu həftə Azərbaycan təmsilçiləri "Qarabağ" və "Zirə" də avrokuboklarda cavab oyunlarına çıxacaqlar. Ağdam klubu avqustun 28-də Çempionlar Liqasının pley-off mərhələsində Bakıda Xorvatiyanın "Dinamo" (Zaqreb) komandasını qəbul edəcək.

İlk matçda zaqreblilər 3:0 hesablı qələbə qazanıblar.

Bir gün sonra isə "Zirə" meydana çıxacaq. "Qartallar" Kiprdə 0:6 hesabı ilə uduzduğu "Omoniya" ilə qarşılaşacaq.

• “Zirə” baş məşqçisini göndərdi
• "Mançester Siti" ulduz futbolçusu ilə yollarını ayıra bilər
• “Sumqayıt”dan yeni transfer - RƏSMİ
• Coşqun qırmızı vərəqə alıb, komandası qələbə qazanıb
• Boksçularımız beynəlxalq turnirdə 14 medal qazanıb