Mərakeşdə keçirilən boks üzrə Qızıl kəmər seriyası çərçivəsində ilin ilk turnirində medal sayına görə komandaların tutduqları yer açıqlanıb. 

Apasport.az saytının məlumatına görə, 34 ölkənin qatıldığı yarışda Azərbaycan millisinin də qərarlaşdığı pillə bəlli olub. 

Baş məşqçi Pedro Rokenin rəhbərlik etdiyi yığma 2 qızıl, 1 gümüş və 2 bürünc medalla kişi komandaları arasında ikinci yeri tutub. Birinci pillədə Rusiya (9-2-0) qərarlaşdığı halda, “üçlüy”ü İtaliya (1-1-1) qapayıb. 

Qeyd edək ki, Qızıl kəmər seriyasında boksçularımızdan Ümid Rüstəmovla (57 kq) Nəbi İsgəndərov (67 kq) qızıl, Alfonso Dominqes (86 kq) gümüş, Məsud Yusifzadə (51 kq) və Sərxan Əliyev (71 kq) bürünc medal qazanıb. 
 

• 14 yaşadək cüdoçular arasında region birinciliyinin qalibləri müəyyənləşib
• Yeqor Xvalko: "Qarabağ" kimi komandalara qarşı oynayanda böyüyürsən"
• Kvirkveliya: “Bu, həm biz, həm də “Qarabağ” üçün vacibdir” - MÜSAHİBƏ
• Millimizin üzvü Krakovda gümüş medal qazandı
• Beynəlxalq Gimnastika Federasiyasının rəsmisi Azərbaycana gələcək