Dünyanın ən yaxşı baş məşqçilərinin oktyabr reytinqi açıqlanıb.

Apasport.az saytının məlumatına görə, cədvələ fəaliyyətini davam etdirən 500 ən yaxşı mütəxəssis daxil edilib.

Azərbaycan klubları siyahıda iki mütəxəssislə təmsil olunub. “Top-500”də yeganə azərbaycanlı Qurban Qurbanovdur. 

“Qarabağ”ın baş məşqçisi 1595 xala malikdir. Ötən ayla müqayisədə bir pillə irəliləyən 50 yaşlı mütəxəssis dünyada 210-cudur.

“Neftçi”nin çalışdırıcısı Laurentsiu Regekampf da irəliləyişə nail olub. 1627 xalla 177-ci olan rumıniyalı ötən ayla müqayisədə 2 pillə yüksəlib.
 
Qeyd edək ki, siyahıya Pep Qvardiola (2194) başçılıq edir. Yurgen Klopp (2112) ikinci pilləyə qayıdıb. Joze Mourinyo üçüncüdür – 2063 xal.

• Azərbaycanlı taekvondoçu beynəlxalq turnirdə bürünc medal qazanıb
• Günün canlı yayımlanacaq qarşılaşmaları
• Malta millisinin üzvü: “Kəpəz” Premyer Liqada öz yerini qoruyub-saxlayacaq"
• “Vize”nin futbolçusu: “Qarabağ”ın "Gent"i keçmək üçün çox yaxşı şansı var” - MÜSAHİBƏ
• Yüksək Liqa: III tura yekun vurulub