Qurban Qurbanov baş məşqçi kimi Azərbaycan çempionatlarında 500-cü oyununu keçirib. 

Apasport.az xəbər verir ki, “Qarabağ”ın baş məşqçisinin yubileyi Misli Premyer Liqasının XVIII turuna təsadüf edib.

Ağdam klubu səfərdə “Zirə” ilə görüşüb. 51 yaşlı mütəxəssisin yetirmələri 500-cü qarşılaşmada 1:0 hesabı ilə qalib gəlib.

O, karyerası ərzində iki kluba – “Neftçi” və “Qarabağ”a rəhbərlik edib. Onun yetirmələri 500 görüşdə 312 qələbə qazanıb, 117 heç-heçə edib və 71 dəfə uduzublar.

Qurbanov Premyer Liqadakı oyun sayında mütləq rekordçudur. İkinci sırada olan Qəhrəman Əliyevin hesabında 381 matç var.

Qeyd edək ki, mütəxəssisin debütü 2006/07 mövsümündə gerçəkləşib. 2006-cı il avqustun 6-da Qurbanovun baş məşqçisi olduğu “Neftçi” “Gənclərbirliyi”ni 6:1 hesabı ilə məğlub edib.
 

• Tarixdə 60-cı, “Qarabağ” üçün 21-ci - Statistika
• Kəmaləddin Heydərov Koreyanın Mədəniyyət, İdman və Turizm Nazirliyinin mükafatına layiq görülüb - FOTO
• "Neftçi" sabiq futbolçusunu qaytarmaq istəyir
• Taleh Məmmədovdan Xorvatiyada qızıl medal
• Super Liqa təmsilçisində yeni təyinat: Mourinyonun köməkçisi “Bodrumspor”da