“Sumqayıt”ın futbolçusu Kristian Velinovskini zədələyən oyunçu cəzalanıb.

Apasport.az xəbər verir ki, bu barədə qərarı AFFA-nın İntizam Komitəsi verib.

Qurum Azərbaycan kubokunda II təsnifat mərhələsinin “Lerik” – “Sumqayıt” oyununu araşdırıb. “Lerik”in futbolçusu Rahid Ağazadə 23-cü dəqiqədə təcavüzkar davranışa görə birbaşa qırmızı vərəqə alıb.

Həmin hadisə nəticəsində Kristian Velinovski əmək qabiliyyətini bir neçə aylıq itirib. Bunu nəzərə alan İntizam Komitəsi PFL Əsasnaməsinin müstəsna hallar üçün nəzərdə tutan 19-cu maddənin 8-ci bəndinə əsaslanıb. Rahid bütün turnirlər daxil olmaqla 6 oyun cəzalanıb. “Lerik” 300 manat cərimələnib.
 

• "Mançester Siti"nin keçmiş kapitanı və baş məşqçisi vəfat edib
• UEFA-dan türkiyəli hakimə növbəti təyinat
• "Uşaq liqalarındakı oyunları diqqət mərkəzində saxlayırıq"
• Deni Qaysumov: "Yeni baş məşqçi əcnəbi olacaqsa Murad Musayev olsun" - Açıqlama
• Paris-2024: Türkiyə millisi üçüncülük matçında məğlub olub