Azərbaycan milli komandası AVRO-2024-ün seçmə mərhələsində İsveç yığmasını 3:0 hesabı ilə darmadağın edib.

Apasport.az xəbər verir ki, matçdan sonra AFFA prezidenti Rövnəq Abdullayev jurnalistlərin suallarını cavablandırıb.-

Oyun haqqında nə deyə bilərsiniz?

- Milli axır ki, bizləri, azarkeşləri sevindirdi. Bu artıq bir dönüşdür. Çempionatımız çox maraqlı keçir. Lider, axırda qalan yoxdur. Bugünkü oyun da bunun nəticəsidir. Hamını təbrik edirəm.

- Bu qələbədən sonra Canni De Byazinin baş məşqçi postunda qalması nə dərəcədə realdır?

- Bu məsələ hələ müzakirə olunmur. Bu, AFFA İcraiyyə Komitəsinin işidir. Qarşıda bir oyun var. De Byazinin fatihəsini verməkdənsə, ona uğurlar arzulayaq ki, komanda Belçikada yaxşı oyun göstərsin.

- Belçikadakı nəticə baş məşqçi üçün həlledici olacaq?

- Bəli. Hər şey ola bilər. Bu gün komandaya uğurlar arzulayaq ki, uşaqlar bu əhval-ruhiyyə ilə Belçikaya qarşı yaxşı mübarizə aparsınlar.

- Martda yenidən AFFA-nın prezidenti vəzifəsində qalacaqsınız?

- Ona baxarıq.

• Avropa çempionatı: 3 boksçumuz yarımfinalda - FOTO
• Nazim Əliyev: "Azərbaycan çempionatında yüksək yerləri həmişə yerli məşqçilərimiz tutub" - MÜSAHİBƏ
• İki güləşçimiz Avropa çempionatının finalında
• Nadir Nəbiyev: "Belə baxanda Fernandu Santuşu da qınamaq olmur, onun da çox seçim imkanı yoxdur"
• Boksçumuz Avropa çempionatında medalı təmin etdi