Azərbaycan millisinin və Türkiyənin “Kocaelispor” klubunun futbolçusu Ramil Şeydayev sarı vərəqə limitindədir.

Apasport.az xəbər verir ki, 28 yaşlı hücumçu Türkiyə I Liqasında “Ümraniyəspor”a qarşı keçirəcəkləri XXXI tur matçında rəsmi xəbərdarlıq alacağı təqdirdə cəzalı duruma düşəcək. Nəticədə o, növbəti turun “Bandırmaspor”la ev qarşılaşmasında komandasına kömək edə bilməyəcək.

“Giresunspor”a qalib gəldikləri (2:0) görüşün 16-cı dəqiqəsində cəzalandırılan təcrübəli forvardın passivində hazırda 3 sarı vərəqə var.

Qeyd edək ki, Ramil Şeydayev bu mövsüm Kocaeli təmsilçisinin heyətində ümumilikdə 11 matçda 1 qolla yadda qalıb.

• "Beşiktaş"da prezident seçkiləri: Ahmet Nur Çebi namizədliyi barədə danışdı
• Türkiyədə növbəti mövsümün püşkü atılıb
• UEFA İcraiyyə Komitəsinin üzvü: "Azərbaycan futbolu üçün investisiya yatıracağıq"
• Üç azərbaycanlı atlet “Alufar IRONMAN 70.3 Baku” triatlon yarışının qalibi olub
• “Beşiktaş”da növbəti ayrılıqlar