Mehdi Hüseynzadə adına Sumqayıt şəhər stadionu Konfrans Liqası matçlarına ev sahibliyi edəcək. 

Apasport.az xəbər verir ki, bu barədə UEFA məlumat yayıb. 

Belarusun “Dinamo Minsk” klubu Konfrans Liqasının ev oyunlarını Azərbaycanın Sumqayıt şəhərində keçirəcək. 

Minsk klubu oktyabrın 3-də, saat 20:45-də Şotlandiyanın "Harts", noyabrın 28-də, saat 21:45-də Danimarkanın "Kopenhagen" və dekabrın 12-də, saat 21:45-də Şimali İrlandiyanın "Larn" kollektivini Sumqayıtda qəbul edəcək.

Buna səbəb UEFA-nın Belarusa tətbiq etdiyi sanksiyadır. Həmin qərara əsasən, Minsk təmsilçisi Liqa mərhələsindəki ev oyunlarını öz ölkəsində keçirə bilməz.

Qeyd edək ki, qarşılaşmalar azarkeşsiz keçiriləcək.

• “Mançester Siti”ni gözləyən cəzalar – liqadan uzaqlaşdırılma, xalların silinməsi...
• Qurban Qurbanov: "Bekali haqda fikir bildirə bilmərəm"
• "Atletiko Madrid" yeni yarımmüdafiəçi tapıb
• “Turan Tovuz”un kapitanı: "İstəyərik ki, mükafatçılar sırasına düşək" - Müsahibə
• Milli komanda 2025-ci ildə də ona tapşırıldı - Rəsmi