Taekvondo federasiyasında seminar

07.12.2023 - 16:58

Azərbaycan Taekvondo Federasiyasının (ATF) inzibati binasında bütün hakimlərin ümumrespublika seminarı təşkil olunacaq.

Apasport.az xəbər verir ki, bunu ATF-in mətbuat xidməti açıqlayıb.

Tədbir dekabrın 15-17-də baş tutacaq. ATF-in baş hakimi, beynəlxalq dərəcəli hakim Gündüz Abdullayev tərəfindən keçiriləcək seminar taekvondo üzrə ölkə çempionatı və birinciliklərinə seçim xarakteri daşıyacaq.

Belə ki, hakimlər 15-16 dekabrda seminarlarda iştirak edəcəklər, 17 dekabrda isə yekun olaraq imtahandan keçəcəklər.

Qeyd edək ki, Azərbaycan Taekvondo Federasiyasının inzibati binasında saat 08:30-da seminarın qeydiyyatı başlayacaq. Saat 09:00-da isə seminara start veriləcək.