Azərbaycan idmançıları Türkiyənin İstanbul şəhərində davam edən Avropa Gənclər Paralimpiya Oyunlarında daha 6 medal qazanıblar.

Apasport.az xəbər verir ki, təmsilçilərimiz bu gün 4 idman növündə fəxri kürsüyə yüksəliblər.

Parataekvondoçuların mübarizəsində Amin Əliyev (K44, 63 kq) qızıl, Amin Şıxalıyev (K44, 63 kq) və İmran Bağırov (K44, 70 kq) isə bürünc medal qazanıblar.

Uzunluğa tullanmada paraatletimiz Ayşə Arabova (T11) 3.47 metr nəticə ilə Oyunların qızıl medalına sahib olub.

Paracüdoçumuz Hüseyn İsmayılzadə (J2, 70 kq) dairəvi formatda keçirilən yarışda türkiyəli və britaniyalı rəqiblərini məğlub edərək bürünc medalla kifayətlənib.

16 yaşlı paraüzgüçümüz Əli Vəliyev 100 metr məsafəyə sərbəst üzmə üsulunda qarışıq kateqoriyalar üzrə 1:02.15 nəticə ilə yeniyetmələr arasında (2009-2010) bürünc medal əldə edib.

• "Braqa"nın çalışdırıcısı: “Qarabağ”la oyunumuz çox çətin olacaq”
• “Fövqəladə hallar uşaqların gözü ilə” XII Respublika uşaq yaradıcılıq müsabiqəsinin qalibləri mükafatlandırılıb - FOTO
• Niderlandlı futbolçu “Napoli” yolunda
• Kerem Aktürkoğlunun qolu "həftənin ən yaxşısı"na namizəddir
• Denks Premyer Liqa klubunun tarixinə düşdü