Sentyabrda idmançı karyerasını başa vuran sabiq kikboksçu Zabit Səmədov yeni idman təşkilatı açıb.

Apasport.az-ın xəbərinə görə, New Generation Fighting (NGF) adlanan təşkilat artıq sabah ilk döyüş gecəsini keçirəcək.

Azərbaycan Boks Federasiyasının idman zalındakı rinqdə keçiriləcək gecədə 11 döyüş baş tutacaq. Bunlardan 1-i əlbəyaxa döyüş, 4-ü kikboksinq və 6-sı MMA döyüşü olacaq. İlk döyüş gecəsi beynəlxalq xarakter daşıyacaq. Çünki Türkiyə və Özbəkistandan da idmançılar bu yarışda iştirak edəcək.

Qeyd edək ki, gecə saat 18:00-da başlayacaq. Giriş tamaşaçılar üçün sərbəst olacaq.

• Lemparddan antirekord
• Altı illik həsrətə SON
• Elmar Baxşıyev: “Layiqli qələbə qazandıq”
• “Frozinone”dən rahat qalibiyyət
• Basketbol Liqasında pley-off oyunlarının vaxtı müəyyənləşib