DÇ-2022-yə daha bir vəsiqənin sahibi bəlli olub.

Apasport.az saytının məlumatına görə, Qitələrarası pley-offda Avstraliya və Peru arasındakı matç 31-ci vəsiqənin sahibini müəyyənləşdirib.

Asiya və Cənubi Amerika təmsilçiləri mundialın keçiriləcəyi Qətərdə qarşılaşıb. “Ahmad bin Ali” stadionundakı görüşün 120 dəqiqəsində qapılara qol vurulmadığından, penaltilər seriyasına müraciət olunub. Həlledici zərbələri daha dəqiq yerinə yetirən avstraliyalılar (5:4) dünya çempionatına vəsiqə qazanan tərəf olub.

Avstraliya mundialın D qrupunda Fransa, Danimarka və Tunislə mübarizə aparacaq.

Qeyd edək ki, DÇ-2022-yə vəsiqə uğrunda son pley-off oyunu bu gün Kosta Rika ilə Yeni Zelandiya arasında keçiriləcək. Final mərhələsi isə noyabrın 21-dən dekabrın 18-dək baş tutacaq.

• Azərbaycan Beynəlxalq Universitet İdman Festivalında 10 boksçu ilə təmsil olunacaq
• Portuqaliyanın U-17 yığması tarixində ilk dəfə dünya çempionu olub
• Belçika millisində yeni dövr – Post Van Bommelə tapşırılır
• ÇL: Həftənin oyunçusu adına namizədlər açıqlanıb
• Vanderson: “Azərbaycan Premyer Liqası Ukrayna çempionatına daha yaxındır”