Çempionlar Liqasında III təsnifat mərhələsinə start verilib.

Apasport.az saytının məlumatına görə, ilk oyunlar Kişinyovda baş tutan matçla başlayıb.

Azərbaycan çempionu “Qarabağ”ın pley-offdakı mümkün rəqibləri “Zimbru” stadionunda üz-üzə gəlib. Moldova və Çexiya çempionlarının duelində “Şerif” “Viktoriya”nı qəbul edib.

Üç qolun vurulduğu görüşdə hesabı meydan sahibləri açıb. Lakin iki dəfə fərqlənən Çexiya çempionu səfərdə əzmkar qələbə qazanıb - 2:1. Komandalar arasında cavab görüşü avqustun 9-da Çexiyada təşkil olunacaq.

Qeyd edək ki, III təsnifat mərhələsinin “Qarabağ” – “Ferensvaroş” və “Şerif” – “Viktoriya” cütlərinin qalibləri pley-offda qarşılaşacaq. Bu mərhələnin görüşləri avqustun 16-17-də və 23-24-də keçiriləcək. 
 

• “Apasport”dan 11 UDUŞ: “Ödənişli”dən HET-TRİK
• Avropa çempionatında qızıl medal qazanan ilk azərbaycanlı xanım şahmatçı Vətənə dönüb
• Premyer Liqaya dəyən ziyan
• “Qarabağ”ın avrokubok matçı bir dəqiqəlik sükutla başlayacaq
• Haland Moratanı arxada qoydu