Azərbaycan boksçusu Tural Sarıyev U-23 Avropa çempionatında gümüş medal qazanıb. 

Apasport.az xəbər verir ki, 48 kq çəki dərəcəsində mübarizə aparan milli üzvü bu mükafata Bolqarıstanın paytaxtı Sofiyada nail olub. 

İlk iki görüşündə müvafiq olaraq Laşa Kereselidze (Gürcüstan) və Samet Oruc Salihi (Türkiyə) məğlub edən Sarıyev finalda Luis Runi (İrlandiya) ilə üz-üzə gəlib. Görüş rəqibin 4:1 hesablı qələbəsi ilə yekunlaşdığından Tural Avropa çempionatını ikinci yerdə bitirib. 

Bu, millimizin yarışda qazandığı ikinci medal olub. Sarıyevdən öncə Marjona Savriyeva (50 kq) bürünc mükafata yiyələnib. 

Qeyd edək ki, bu gün yığmamızın daha 2 boksçusu final qarşılaşmasına çıxacaq.

• Arda Turan qırmızı vərəqə ilə cəzalandırılıb - VİDEO
• Cüdoçularımız Avropa Kubokunda 5 medal qazanıb
• “Misli” ölkənin ən böyük idman yay festivalının sponsoru olub
• Ruslan Qurbanov: "Xarici məşqçiyə bu qədər çox pul xərcləməkdənsə..."
• Ölkədən kənarda Azərbaycanın 22 idmançısı antidopinq testindən keçib