Azərbaycanın daha iki boksçusu Bosniya və Herseqovinanın paytaxtı Sarayevoda keçirilən Avropa birinciliyində yarımfinala yüksəlib.

Apasport.az xəbər verir ki, 48 kq çəki dərəcəsində Nihat Qasımov Mixael Reilli (İrlandiya) ilə qarşılaşıb.

O, rəqibini 5:0 (29:28, 29:28, 29:28, 29:28, 29:28) hesabı ilə məğlub edib.

Səftər Məmmədzadə (80 kq) də adını yarımfinala yazdırıb. İdmançımız Boqdan Bajzerti (Polşa) mübarizədən kənarlaşdırıb. Rəqib 3-cü raundda zədələndiyi üçün həkimlər görüşün davam etməsinə icazə verməyib və üstün olan Məmmədzadə qalib gəlib.

Hər iki boksçumuz yarımfinala yüksəlməklə özləri üçün bürünc medalı təmin ediblər.

Qeyd edək ki, daha öncə Aylin Nəzərova (48 kq) və Əminə Tağı (52 kq) da bu hüquqa yiyələnib. Yarımfinal döyüşləri bu gün keçiriləcək.

• MMA döyüşçülərimiz beynəlxalq turnirdə fərqləndilər
• Azərbaycan millisi reytinq cədvəlindən kənarlaşdırıldı – SƏBƏB
• Güləş üzrə Azərbaycan çempionatına yekun vurulub
• "Mançester Siti" yayda yeni qolkiper transfer edəcək
• Moldova millisinin baş məşqçisi: “Azərbaycan yığmasının legionerlərini də tanıyırıq”