İraqlı cüdoçu Sehen Saccad (81 kq) antidopinq qaydalarını pozduğuna görə, Paris-2024 Yay Olimpiya Oyunlarında diskvalifikasiyaya məruz qalıb.

Apasport.az xəbər verir ki, bu barədə Beynəlxalq Dopinq-Test Agentliyi (ITA) məlumat yayıb.

Bu, Oyunlarda ilk dopinq cəzası kimi qeydə alınıb. 28 yaşlı idmançının iyulun 23-də verdiyi test müsbət olub. Onun qanında qadağan olunmuş metandion və boldenon maddələri tapılıb. Saccad olimpiadanın 1/16 finalında özbəkistanlı Şarofiddin Boltobayevlə qarşılaşmalı idi. Bu idmançının yolu 1/8 finalda Azərbaycan cüdoçusu Zelim Tçkayevlə kəsişə bilər.

Qeyd edək ki, qaydalara görə, İraq olimpiyaçısı Beynəlxalq Arbitraj Məhkəməsinə müraciət edib, B testinin nəticələrini istəmək hüququna malikdir.

• Qurban Qurbanov: "Bu uğuru tək biz yox, xalqımız da gözləyirdi"
• Mourinyo komandasına ispaniyalı forvard transfer etmək istəyir
• Anton Krivotsyuka Azərbaycandan təklif
• ÇL-də finalın topu təqdim edildi
• “Everton”dan ayrılan futbolçu özünə klub tapdı