Həndbol üzrə Azərbaycan çempionatında II turun oyunları keçirilib.

Apasport.az xəbər verir ki, qadınlardan ibarət “Qarabağ” və “Azəryol” komandaları arasında baş tutan görüşdə rəqibini 30:26 hesabı ilə məğlub edən "Qarabağ" çempionatda üst-üstə ikinci qələbəsini qazanıb.

İlk turda məğlub olan “Kür” bu dəfə “İdman Akademiyası”nı üstələyib - 38:12.

Kişilərdən ibarət “Kür” komandası da turu qalibiyyətlə başa vurub. “Dinamo”nun qonağı olan Mingəçevir təmsilçisi 30 top fərqlə qələbə qazanıb – 50:20. “Qarabağ” isə “İdman Akademiyası” ilə oyunda azarkeşlərini sevindirib - 38:24.  “Təhsil” bu dəfə “Bakı” ilə görüşü məğlubiyyətlə bitirməklə pis gedişata davam edib – 16:37.

İki turdan sonra qadınların yarışına 4 xalla “Qarabağ” başçılıq edir. “Azəryol”, “Kür”, “İdman Akademiyası” və “Bakı” hərəyə 2 xalla sonrakı pillələrdə qərarlaşıblar. “Gənclər Birliyi”nin hesabında xal yoxdur.

Hərəyə 4 xalı olan “Kür” və “Qarabağ” kişilərin çempionatında şərikli liderlərdir. “Bakı” və “İdman Akademiyası” 2 xalla 3-4-cü yerlərdədir. “Azəryol”, “Təhsil” və “Dinamo” hələ də xal qazana bilməyiblər.

• AVF-nin məşqçi-müəllimlər üçün təşkil etdiyi növbəti kurs başa çatıb
• Konfrans Liqasında 26 oyun
• “Neftçi”nin yeni baş məşqçisi haqda: “Uğur olmasa, məşuqəsinin azğın həyatından danışacağıq”
• Güləşçilərimiz Rusiyadakı turnirdə mübarizə aparacaqlar
• 2 oyunluq KUPON