Avstraliyalı otüstü hokkeyçi Mett Dauson Paris Yay Olimpiya Oyunlarında iştirak etmək üçün barmağını kəsib. 

Apasport.az BBC-yə istinadla xəbər verir ki, bir müddət əvvəl sağ əlinin üzük barmağını sındıran idmançının Olimpiadada iştirakı şübhə altına düşüb. 

Zədədən sonra Dauson barmağından əməliyyat olunmalı və sağalmasını gözləməli idi. Gözləməyə vaxtının olmadığını bildirən 30 yaşlı hokkeyçi üçüncü dəfə Olimpiadaya qatılmaq üçün sağ üzük barmağının yuxarı hissəsini kəsərək komanda yoldaşlarını və məşqçisini təəccübləndirib. 

O, əməliyyat olsa belə, sağalma müddətindən sonra barmağının tam funksiyasını bərpa edə bilməyəcəyini vurğulayıb.

Barmağı kəsildikdən sonra Dauson Argentina ilə qarşılaşmada iştirak edə biləcək.

• Azərbaycan bu il 3 beynəlxalq boks turnirinə ev sahibliyi edəcək
• Fərid Qayıbov Beynəlxalq Gimnastika Federasiyasının prezidenti vəzifəsinə namizəd olub
• “Turan Tovuz”un futbolçusu əməliyyat olunub
• Tahir Baxşıyev: “İkinci oyun daha çətin olacaq”
• Tural Axundov: "Fikirləşdim ki, gedib oralarda oynamamaqdansa..." - Müsahibə