Türkiyənin məşhur idman gimnastı Ahmet Önder Azərbaycana səfər edəcək.

Apasport.az xəbər verir ki, bunu Azərbaycan Gimnastika Federasiyasının mətbuat xidməti açıqlayıb.

Paralel qollarda dünya, fərdi çoxnövçülükdə Avropa çempionatının gümüş medalçısı olan idman gimnastı Bakıda ustad dərsləri keçirəcək. Bu intensiv proqram zamanı iştirakçılar Ahmet Önderin məşq metodikası, texnikası və dünya səviyyəsindəki təcrübələrindən faydalanacaq.

Ustad dərsləri həm gimnastlar, həm də bu sahəyə yeni başlayanlar üçün nəzərdə tutulub. Bu dərslərdə bütün yaş kateqoriyaları üzrə gimnastlar iştirak edə biləcək.

Tədbirlər dekabrın 6-da klublar, ertəsi gün milli komanda üçün təşkil olunacaq. Milli Gimnastika Arenasında baş tutacaq ilk günün ustad dərsi 10:00-da başlayacaq. Heydər Əliyev adına İdman Konsert Kompleksində təşkil olunacaq ikinci günün tədbiri isə 12:00-da start götürəcək.

• Xorvatiya Kolumbiyanı, Fransa Braziliyanı məğlub edib
• Təmsilçimiz 28 min iştirakçı arasında 56-cı olub: "Dubay Marafonu" - FOTO
• Azərbaycan Kuboku: 1/4 final mərhələsinin ilk oyunlarının vaxtı bəlli olub
• Futzalçılarımız Avropa çempionatının əsas mərhələsinə vəsiqə qazanıb
• Fuat Türk: Azərbaycanın heç bir hədəfi yoxdur