ABŞ-nin Las Veqas şəhərində güləş üzrə U23 dünya çempionatı davam edir.

Apasport.az xəbər verir ki, ikinci yarış günündə yunan-Roma güləşi üzrə ilk medalçılar müəyyənləşib.

Elmir Əliyev (60 kq) finalda qazaxıstanlı Aybek Aytbekovla güləşib. Rəqibinə 4:12 hesabıyla məğlub olan güləşçimiz gümüş medalı boynundan asıb.

Məhəmməd Şükürzadə (67 kq) ilk təsəlliverici görüşdə qazaxıstanlı Tolegen Amirxanova 5:2 hesabıyla qalib gəlsə də, ikinci təsəlliverici qarşılaşmada gürcüstanlı Anri Xozrevanidzeyə məğlub olub – 2:7.

Fərid Xəlilov (72 kq) təsəlliverici görüşdə moldovalı Vasile Zabikanı “tuş”la üstələyib. Ancaq bürünc medal uğrunda qarşılaşmada isə türkiyəli İbrahim Özdəmirlə (0:10) bacarmayıb və U23 dünya çempionatını 5-ci pillədə başa vurub.

• Sərbəst güləşçilərimiz dünya çempionatında mübarizəyə başlayacaqlar
• “Fənərbaxça” Aktürkoğlu transferində Razılıq əldə etdi
• Rəşad Eyyubov Portuqaliya ilə oyunöncəsi mətbuat qarşısına çıxacaq
• Günün canlı yayımlanacaq matçları - TV AFİŞA
• “Gənclər Paytaxtı 2024” layihəsinin açılış mərasimi keçirildi