Serbiyanın Novi Sad şəhərində keçirilən 20 yaşlıların Avropa çempionatında komanda hesabında birinci olmuş Azərbaycanın sərbəst güləş üzrə millisi Vətənə qayıdıb.

Apasport.az xəbər verir ki, yığmanı Heydər Əliyev Beynəlxalq Hava Limanında ictimaiyyət nümayəndələri, azarkeşlər və KİV təmsilçiləri qarşılayıblar.

Qeyd edək ki, Avropa çempionatında yığmanın 6 üzvü fəxri kürsüyə qalxıb. Bir qızıl, dörd gümüş və bir bürünc medal qazanan milli 132 xal toplayaraq növbəti dəfə komanda hesabında Avropa çempionu olub. Türkiyə (125) ikinci, Gürcüstan (99) isə üçüncü yeri tutub.

Xatırladaq ki, millinin heyətində Xetaq Karsanov (97 kiloqram) qızıl, Vasif Bağırov (57 kiloqram), Camal Abbasov (61 kiloqram), Sadiq Mustafazadə (86 kiloqram) və Anar Cəfərli (92 kiloqram) gümüş, Yusif Dursunov (125 kiloqram) isə bürünc medal qazanıb.

• Patrik Andrade: "Lazım olan nəticəni təmin etdik"
• Oyunda ürəyi dayanan futbolçunun son durumu müəyyənləşib
• Zamiq Əliyev: "Az da olsa, ümidim var idi ki, bəlkə millidən dəvət gələr" - Müsahibə
• Qurban Qurbanov: "Çempionlar Liqasında uğurlarımız məsuliyyəti daha da artırır"
• Ramin Quliyev: "Azərbaycan millisi üçün qələbə qazanmağın vaxtıdır"