Azərbaycanın taekvondo millisi İsveçrənin Sankt-Qallen şəhərində keçirilən “Swiss Open 2025” beynəlxalq turnirində uğurla çıxış edib.

Apasport.az xəbər verir ki, Bəhruz Quluzadə (54 kq), Cavad Ağayev (80 kq) və Minayə Əkbərova (46 kq) bütün rəqiblərinə qalib gələrək qızıl medal qazanıblar. Etac Qafarov (87 kq) gümüş medal əldə edib,

Qaşım Maqomedov (63 kq), Riyad Şirəliyev (68 kq) və Səmərrux Osmanova (49 kq) isə bürünc medala layiq görülüblər.

Turnirin yekunlarına əsasən, Bəhruz Quluzadə yarışın ən yaxşı idmançısı seçilib. Ümumi komanda hesabında Azərbaycan millisi birinci olub. Kubok qaliblərə Dünya Taekvondo Federasiyasının prezidenti doktor Çunqvon Ço tərəfindən təqdim edilib.

• Xavi "Barselona" ilə razılaşdı
• Kurtua sağlam günləri üçün darıxır
• Azərbaycan millisi FIFA reytinqində irəliləyib
• "Neftçi" Qəbələyə yollanır
• Kata üzrə Azərbaycan çempionatı və birinciliyi keçiriləcək