Qadın voleybolçulardan ibarət Azərbaycan millisi Avropa çempionatının təsnifat mərhələsində mübarizəyə başlayıb.

Apasport.az saytının məlumatına görə, D qrupunda yer alan komandamız bu gün ilk oyununu keçirib.

Yığmamız Bakıdakı Voleybol Mərkəzində Gürcüstanı qəbul edib. Oyun komandamızın qələbəsi ilə başa çatıb. İlk setdə 28:26 hesabı ilə qalib gələn millimiz sonrakı hissələrdə də rəqibindən üstün olub - 25:11, 25:20. Beləliklə, ilk görüşdə 3:0 hesabı ilə qalib gələn Azərbaycan yığması 3 xala yiyələnib.

Qeyd edək ki, yığmamızın D qrupundakı digər rəqibləri Sloveniya və Avstriyadır. Eldar Yusubovun yetirmələri növbəti oyununu avqustun 24-də səfərdə Gürcüstana qarşı keçirəcək. Ümumilikdə qruplarda birinci və ikinci yeri tutacaq kollektivlər final mərhələsinə yüksələcək. AVRO-2023-ün final mərhələsinə Belçika, İtaliya, Estoniya və Almaniya ev sahibliyi edəcək.

AVRO-2023-ün təsnifat mərhələsi
D qrupu
20 avqust
18:00. Azərbaycan – Gürcüstan - 3:0 (28:26, 25:11, 25:20)
Bakı. Voleybol Mərkəzi

• Portuqaliya KUPONU
• Rumıniya KUPONU
• Tennis kuponu
• “Neftçi”nin oyununda insident - kiprli futbolçulardan hücuma cəhd
• Slovakiya millisinin məşqçisi: "Bakıda bizi çətin oyun gözləyir"