“Düşünürəm ki, istədiyimiz oyunu göstərə bilsək qalib gələ bilərik".
Apasport.az xəbər verir ki, bunu kişi voleybolçulardan ibarət Azərbaycan millisinin baş məşqçisi Fərid Cəlalov federasiyanın mətbuat xidmətinə açılamasında bildirib.
Mütəxəssis hazırlıq prosesi ilə bağlı fikirlərini bölüşüb: "Avropa Gümüş Liqasına hazırlıqlarımız davam edir. Oyunlarımızın başlamasına az vaxt qalıb. İlk oyunlarımız İsveç və Gürcüstan milliləri ilə səfərdə olacaq. Rəqiblərimizi analiz etmişik. Əlbəttə, rəqiblərimiz arasında daha təcrübəli komandalar da var. Bu il heyətimizə təcrübəli oyunçularla yanaşı, gənclərimizi də cəlb etmişik. Çalışmalıyıq ki, hər bir oyunda gözəl oyun göstərək və qalib gələk”.
Qeyd edək ki, yığmamız ilk oyununu iyunun 6-da İsveçə qarşı keçirəcək.
Oxşar xəbərlər
Ana səhifə
Bütün xəbərlər