Arda Gülər La Liqada debütə hazırlaşır.  

Apasport.az saytı xəbər verir ki, yayda bonuslarla birlikdə 30 milyon avroya “Fənərbaxça”dan Madrid “Real”ına transfer olunan 18 yaşlı futbolçu yeni komandasında ilk oyununa çıxacaq.

Paytaxt klubunun Amerika toplanışı zamanı zədələnən futbolçu 6 həftəlik fasilədən sonra intensiv məşqləri bərpa edib. Mərkəz yarımmüdafiəçisi La Liqanın VII turu çərçivəsində keçiriləcək “Las Palmas”la ev oyununda iştirak edəcək. Baş məşqçi Ançelottinin türk futbolçunu matçın ikinci hissəsində meydana buraxması gözlənilir.

Qeyd edək ki, Arda sabiq komandası ilə çıxdığı 51 matçda 9 qol və 12 məhsuldar ötürmə ilə yadda qalıb.

• "Şamaxı" - "Kəpəz" oyununun vaxtı dəyişdirilib
• Emin İmaməliyev: “Bizim oynadığımız dövrlə indiki dövr fərqlidir” - Müsahibə
• Sənan Qurbanov oğlunun “Neftçi”də əsas heyətdə oynamasından danışdı - MÜSAHİBƏ
• KL: Millimizin üzvü oynadı, komandası 1 xal qazandı
• Yeqor Boqomolski: “Bu, irəli atılan addımdır”