"Arsenal”ı müqaviləyə məcbur edən addım

16.09.2023 - 18:00

"Arsenal" Ben Uaytı heyətində saxlamaq niyyətindədir.

Apasport.az saytı xəbər verir ki, “topçular” 25 yaşlı müdafiəçinin müqaviləsinin uzadılması üçün danışıqlara başlayıblar.

İngiltərə millisinin də şərəfini qoruyan arxa xətt oyunçusu 2026-ci ilin yayına kimi London klubuna məxsus olsa da, komanda rəhbərliyi razılaşmanı yeniləmək istəyir. Onların futbolçuya gələn təkliflərdən çəkindikləri üçün belə bir addım atdıqları bildirilir.

Qeyd edək ki, Uayt bu mövsüm 5 matçda iştirak edib.