Gənclər akademiyasında böyüdüyü "Kolo-Kolo"ya qayıdan çilili futbolçu Arturo Vidalın təqdimat mərasimi keçirilib.

Apasport.az xəbər verir ki, Çilinin paytaxtı Santyaqodakı Monumental stadionuna helikopterlə gələn Vidalı dolu tribunalar qarşılayıb.

36 yaşlı futbolçu əlində qılıncla ata minərək onu gözləyən azarkeşləri salamlayıb.

Almaniyanın “Bayer” və “Bavariya”, İtaliyanın “Yuventus” və “İnter”, İspaniyanın “Barselona” klublarında çıxış edən Vidal bu klublarla 9 liqa çempionu olub.

Təcrübəli futbolçu 2015 və 2016-cı illərdə Çili Milli Komandası ilə Amerika Kuboku çempionluğunu da qazanıb. Sonuncu dəfə "Atletiko Paranaense"də çıxış edən Vidal ötən ay "Kolo-Kolo" ilə müqavilə imzalayıb.

• Portuqaliyalı futbolçu: “Klublarınız “Qarabağ”ın etdiklərindən ruhlanmalıdır” - MÜSAHİBƏ
• Maksim Medvedev: “Uğur qazanmaq üçün yaxşı imkan var”
• Bundesliqada ən çox maaş alan 10 futbolçu
• Krakov-2023: Atletimiz 12-ci yeri tutdu
• Elxan Məmmədov: "Beynəlxalq futbol və idman ictimaiyyəti “Qarabağ”dan danışır"