Avropa Liqası: "Qalatasaray", "Fənərbaxça" və "Beşiktaş" bir-birinə rəqib olacaq?

24.01.2025 - 14:57

Avropa Liqasının yeni formatında Türkiyə komandalarının növbəti mərhələ şansı son matçlara qalıb.

Apasport.az xəbər verir ki, hazırda 9-cu pillədə qərarlaşan "cimbom" "Ayaks"ı məğlub edərsə, birbaşa son 16 komanda arasında yer alacaq. Əks halda pley-offda mübarizə aparacaq.

Gələn həftə keçiriləcək matçlardan sonra "Qalatasaray" pley-off mərhələsində "Fənərbaxça" və ya "Beşiktaş"la oynaya bilər.

İlk 24 komanda arasına düşmək üçün mübarizə aparan “Fənərbaxça” və ya “Beşiktaş” sonuncu həftədə pley-off şansını saxlasa, "sarı-qırmızılılar"la rəqib ola bilər.

Qeyd edək ki, Avropa Liqasında son 16 turuna yüksələcək komandaları müəyyənləşdirəcək pley-off mərhələsinin oyunları fevralın 13 və 20-də keçiriləcək.