“Barselona”nın vingeri Runi Bardqi daha bir klubun maraq dairəsinə düşüb.

Apasport.az xarici KİV-ə istinadən xəbər verir ki, 20 yaşlı futbolçunun baş məşqçi Hans-Diter Flikin rəhbərliyi altında müntəzəm oyun praktikası əldə edə bilmədiyi üçün icarəyə göndərilməsi ilə bağlı söz-söhbətlər səngimir.

“Portu” isveçli futbolçunu yanvarda icarəyə götürmək istəyir. Ancaq “Barselona”nın baş məşqçisi mövsümün gedişində heyətdəki oyunçulardan heç birini itirmək niyyətində deyil. Bu səbəbdən, portuqaliyalılar üçün mümkün transferin reallaşması asan olmayacaq.

Runi 2025-ci ilin yayında Danimarkanın “Kopenhagen” klubundan “Barselona”ya keçib. O, cari mövsümdə 13 oyunda meydana çıxıb, 1 qol vurub və 2 məhsuldar ötürmə verib.

• Belarus yığmasının Azərbaycanla oyun üçün heyəti açıqlanıb
• “Prezident Kuboku-2025”in bağlanış mərasiminin proqramı bəlli olub
• “Neftçi”dən azarkeşlərə jest - bir bilet al, iki matçı da izlə
• Niyaməddin Paşayev: “Dünya çempionu olmağa potensial taekvondoçularımız var”
• Qələbə seriyası davam edəcək - PROQNOZ