Səudiyyə Ərəbistanı yığmasının baş məşqçisi Erve Renar postundan ayrılıb.

Apasport.az xəbər verir ki, Fransadan olan 54 yaşlı mütəxəssis ölkəsinə qayıtmağa qərar verib.

Belə ki, o bundan sonra Fransanın qadınlardan ibarət milli komandasına rəhbərlik edəcək. Renar Fransa Futbol Federasiyasından aldığı təklifi qəbul edib. Təyinatın tezliklə rəsmən açıqlanması gözlənilir.

Xatırladaq ki, Erve Renar 2019-cu ildən Səudiyyə Ərəbistanı millisinə rəhbərlik edirdi. Komanda bu mütəxəssisin rəhbərliyi altında 41 oyuna 18 qələbə qazanıb, 11 heç-heçə edib və 12 məğlubiyyətə üzülüb. O, son dünya çempionu Argentinaya mundialda yeganə məğlubiyyəti yaşadan baş məşqçi kimi tarixə düşüb.

• "Real" Vaskeslə müqaviləni uzatdı
• Cengiz Ündər: "İstəyimiz ermənilərə qalib gəlib Türkiyəyə xoşbəxt qayıtmaqdır"
• Danimarka Tunislə bərabərə qaldı - YENİLƏNİB
• Arda Gülər Ronaldonu qabaqladı - VİDEO
• Millətlər Liqasının ən məhsuldar komandasına PROQNOZ