“Real”ın futbolçusu Kərim Benzema Səudiyyə Ərəbistanından təklif alıb.

Apasport.az saytının məlumatına görə, Asiya ölkəsinin adı açıqlanmayan klubu fransalı hücumçunu heyətində görmək istəyir.

36 yaşlı forvarda cəlbedici təklif göndərən ərəblər əlavə şərt də qoyub. Benzema təklifi qəbul etsə, Səudiyyə Ərəbistanında öz futbol akademiyasını açmalıdır.

Hücumçu isə hələ “Real”da qalmağı düşünür. Kərim növbəti mövsümdə də İspaniyada çıxış etmək və 2024-cü ilin yayında Səudiyyə Ərəbistanına yollanmağı planlaşdırır.

Qeyd edək ki, Benzema cari mövsüm La Liqada keçirdiyi 18 qarşılaşmada 14 qol və 3 asssitə imza atıb.

• Rumıniyalı məşqçi: “Petresku heç vaxt “Qarabağ”a rəqib olmaq istəməz”
• “Ayntraxt”ın baş məşqçisi: “Meydanda iki güclü komanda var idi”
• Taekvondoçularımız “Turkish Open”də 5 medal qazanıblar
• Olimpiya çempionu 44 yaşında vəfat edib
• Premyer Liqada növbəti mövsümün transfer pəncərələrinin vaxtı müəyyənləşdi