Madrid "Atletiko"sunun hücumçusu Joao Feliks oynamaq istədiyi komandanın adını açıqlayıb.

Apasport. az saytı xəbər verir ki, 23 yaşlı forvard PSJ-yə keçmək istəyir.

Portuqaliya millisinin də şərəfini qoruyan Feliksin nümayəndələri fransızlarla danışıqlara başlayıblar. Paris klubunda hesab edirlər ki, gənc futbolçu hücum xəttinin güclənməsinə kömək edə bilər. Ancaq Joaonun transfer qiyməti onların arzularını reallaşdırmasına mane olur. Çünki “Atletiko” hücumçunu 100 milyon avrodan aşağı qiymətə satmaq istəmir. 

Danışıqların davam etdiyi, PSJ rəsmilərinin qarşı tərəfdən endirim gözlədiyi qeyd olunur.

• Azərbaycan Güləş Federasiyasının rəsmiləri Goranboy rayonuna səfər ediblər
• Yaylagül Ramazanova ən yaxşı adına layiq görülüb
• Qurban Qurbanov: “Həyata gəlməyim sanki möcüzə olub”
• Londonda 9 qol, “Mançester Yunayted” böyük hesabla məğlub oldu, “Çelsi”dən bərabərlik
• Niyaməddin Paşayev: “Dünya çempionu olmağa potensial taekvondoçularımız var”