Keçmiş klubu Feliksi geri qaytarmaq istəməyib
29.11.2025 - 23:23
Keçmiş klubu Feliksi geri qaytarmaq istəməyib

“Atletiko”, “Barselona” və “Milan” kimi klublarda çıxış etmiş yarımmüdafiəçi Joao Feliks “Əl-Nəsr”ə keçməzdən əvvəl keçmiş komandası “Benfika”ya qayıtmaq arzusunda olduğunu bildirib.

Apasport.az “Sport TV Portugal”a istinadən xəbər verir ki, portuqaliyalı futbolçu “Benfika”ya qayıtmaq istədiyini deyib:

“Son üç yay ərzində “Benfika”ya qayıtmaq istədim və bunu agentlərimə də bildirmişdim. Ancaq klubdan ciddi istək olmadı. Səbəbini bilmirəm, amma mən həmişə qayıtmaq istəyirdim. Bu, transfer məbləğinə və ya maaşa bağlı deyildi, sadəcə qarşı tərəfin istəyindən asılı idi.

Bu baş vermədiyi üçün isə “Əl-Nəsr” daha böyük həvəs və diqqət göstərdi. Belə olduqda da biz imtina edə bilmədik”.

24 yaşlı Feliks 2016-2019-cu illərdə “Benfika”da çıxış edib və yayda “Çelsi”dən Səudiyyə Ərəbistanının “Əl-Nəsr” klubuna keçib.