Lionel Messi 2026-cı il dünya çempionatının J qrupunun III turunda İordaniya ilə keçirilən oyuna ehtiyat oyunçular skamyasından başlayıb.

Apasport.az xəbər verir ki, bununla da Argentina millisinin kapitanı 20 ildən sonra ilk dəfə dünya çempionatında matça start heyətində çıxmayıb.

Messi qərarını gənc futbolçulara şans verilməsi ilə izah edib:

“İordaniya matçında ehtiyatda başlamaq istəyirdim ki, gənclər də forma şansı əldə edə bilsin”.

Messi mundiallarda sonuncu dəfə 2006-cı ildə Serbiya və Çernoqoriyaya qarşı qrup matçında ehtiyatda qalmış, 74-cü dəqiqədə meydana daxil olaraq 1 qol və 1 məhsuldar ötürmə ilə yadda qalmışdı.

Leo, o vaxtdan bəri iştirak etdiyi bütün dünya çempionatı oyunlarına start heyətində başlamışdı.

• Qurban Qurbanov: “Neftçi"yə uğurlar arzu edirəm”
• "Beşiktaş"da ciddi itki
• “Şəki”də yeni təyinat
• Həmzət Çimayev UFC çempionu olub
• Poqba məşqlərini Amerikada davam etdirir