"Zədələnərkən çox qorxdum".
Apasport.az xəbər verir ki, bunu braziliyalı futbolçu Neymar Cənubi Koreya yığmasına 4:1 hesabı ilə qalib gəldikləri oyundan sonra deyib.
Ulduz futbolçu bildirib ki, qrup mərhələsində Serbiya ilə matçda zədələndikdən sonra həmin gecə yata bilməyib: “Bu hadisədən sonra gündəlik olaraq 11 saat fizioterapiya müalicəsi aldım və bunun faydasını gördüm".
Komandası 1/4 final mərhələsinə yüksələn braziliyalı futbolçunun sözlərinə görə, bununla kifayətlənməyəcəklər və əsas hədəf finaldır: "Həlledici görüşə yüksəlmək üçün qarşıda bizi daha 3 oyun gözləyir. Biz çempionluğa hazırıq və bütün diqqətimizi buna yönəltmişik".
Qeyd edək ki, Braziliya 1/4 finalda Xorvatiya ilə üz-üzə gələcək. Bu oyun dekabrın 9-da baş tutacaq.
- Messi oynamadı, "İnter Mayami" qələbə qazandı
- Konfrans Liqası: “Qəbələ”nin bəxtinə “Fehervar” düşdü
- "Sumqayıt"ın baş məşqçisi: "Rəqibin təklif etdiyi templə ayaqlaşa bilmədik"
- Heydər Əliyevin xatirəsinə həsr olunan beynəlxalq turnirdə finalçılar bəlli olub
- "Osiyek"in baş məşqçisi: "Bizim bəxtimiz gətirmədi"