Yoldaşlıq oyunları çərçivəsində keçirilməli olan İraq – Kosta-Rika matçı ləğv edilib.

Apasport.az saytının məlumatına görə, buna qonaqların Asiya ölkəsinə getməkdən son anda imtina etməsi səbəb olub.

Bu, iraqlıların ilkin razılaşmaya əməl etməməsi ilə bağlıdır. Kosta-Rika səfərdə oynamaq üçün futbolçuların pasportlarına Asiya ölkəsində möhür vurulmaması şərtini irəli sürüb.

Öncə bununla razılaşan iraqlılar sonda fikrindən daşınıb. Kosta-Rika tərəfi pasportlarda İraq möhürü olmağın sonradan mənfi təsir edəcəyindən ehtiyatlanır. Bu səbəbdən də bugünkü qarşılaşma ləğv olunub.

Qeyd edək ki, Kosta-Rika DÇ-2022-də Almaniya, Yaponiya və İspaniya ilə eyni qrupda mübarizə aparacaq.
 

• Zinəddin Zidan "Bavariya"ın baş məşqçisi ola bilər
• Qurban Qurbanov ÇL-in finalında hansı komandaya azarkeşlik edəcək?
• "Arsenal" "Çelsi"ni meydana çıxmağa peşman etdi
• “Vest Hem” 58 il sonra
• Azərbaycan çempionatında 1/8 final mərhələsinin ilk oyunlarına start verilib