Premyer Liqa: "Çelsi" uğursuz seriyaya son qoyub
21.01.2025 - 10:12
Premyer Liqanın 22-ci həftəsində "Çelsi" Vitor Pereyranın baş məşqçisi olduğu "Vulverhempton"u qəbul edib.
Apasport.az xəbər verir ki, "mavilər" 24-cü dəqiqədə Tosin Adarabioyonun qolu ilə hesabda önə keçib. Qonaq komanda ilk hissənin son dəqiqəsində hesabı bərabərləşdirib.
60-cı dəqiqədə Mark Kukurella ilə yenidən önə keçən "Çelsi" 66-cı dəqiqədə Noni Maduekenin vurduğu qolla fərqi 2-yə çatdırıb.
"Çelsi" 5 oyundan sonra xallarını 40-a çatdıraraq turnir cədvəlində 4-cü pilləyə yüksəlib.
"Qurdlar" isə Vitor Pereyra dövründə ardıcıl 3-cü məğlubiyyətini alıb.
Qeyd edək ki, "Çelsi" Premyer Liqada son 5 matçın 2-də məğlub olub, 3-də isə 1 xalla kifayətlənib.
Oxşar xəbərlər
Ana səhifə
Bütün xəbərlər