“Qarabağ”ın sabiq futbolçusu Kamilo Duran Şotlandiya çempionatında avqust ayının ən yaxşı futbolçusu seçilib.

Apasport.az xəbər verir ki, bu barədə kolumbiyalı hücumçunun hazırda çıxış etdiyi “Seltik” klubunun rəsmi saytı məlumat yayıb.

Duran avqust ayında ölkə çempionatı çərçivəsində keçirdiyi 7 matçda 6 qol vurub.

Kolumbiyalı futbolçu “Dandi Yunayted”lə oyunda (4:0), “Kilmarnok”la qarşılaşmada (5:1) və “Falkirk”lə matçda (2:1) göstərdiyi çıxışla yadda qalıb. Duran “Falkirk” üzərində qazanılan qələbədə iki qol vurub.

Qeyd edək ki, Kamilo Duran bu yay 5,5 milyon avro qarşılığında “Qarabağ”dan “Seltik”ə transfer olunub.

• Dembele "Barselona" - PSJ matçının ən yaxşısı seçilib
• “Barselona”nın QARA SİYAHISI
• “Beşiktaş”ın futbolçusu: “Biz böyük komandayıq”
• AFFA-nın yeni prezidenti Rövşən Nəcəf oldu - YENİLƏNİB
• Atletikada yeni dünya rekordu