Türkiyə Super Liqa komandalarından olan "Kayserispor" baş məşqçi Rəcəb Uçarla yollarını ayırıb.

Apasport.az xəbər verir ki, klubdan verilən açıqlamada Uçarla qarşılıqlı razılaşma nəticəsində yollarını ayırdıqları bildirilib.

Uçar "Kayserispor"un "sükanı arxasında" 21 matça çıxıb . Kayserililər bu görüşlərdə 9 qələbə, 10 məğlubiyyət və 2 heç-heçə edib.

Digər tərəfdən sarı-qırmızılı komandanın baş məşqçi postu üçün Burak Yılmazla görüşdüyü və Yılmazın sabah şəhərə gələcəyi iddia edilib.

Qeyd edək ki, bu, Türkiyə Super Liqasının 2023-2024-cü il mövsümündə 21-ci məşqçi gedişi olub.

• Şəhriyar Məmmədyarov reytinq cədvəlində gerilədi
• III MDB Oyunlarının medal sıralaması: Belarus ikinci pilləyə yüksəlib
• Kan: “PSJ-dən də güclü rəqiblə qarşılaşacağıq”
• Bundesliqada baş məşqçi ayrılığı: Martda gəldi, mayda göndərildi
• Səhvləri-doğrularıyla bu dünyadan keçən “argentinalı Məsih” - ULDUZLAR