Azərbaycan futbolunda biabırçılıq: Qarşılaşmaya hakim təyin edilmədi

12.12.2024 - 09:19

AFFA U-15 Liqasında EFA – “Qəbələ” oyunu baş tutmayıb.

Apasport.az xəbər verir ki, bu barədə bölgə təmsilçisinin baş məşqçisi Namiq Hacızadə məlumat yayıb.

Mütəxəssis sosial şəbəkə hesabında matçın keçirilməməsinin səbəbini açıqlayıb:

“Deyirik ki, futbolumuz niyə bu gündədir. U-15 Liqasında keçirilməli olan EFA – “Qəbələ” oyunu baş tutmayıb. Səbəb isə həm gülməli, həm ağlamalıdır. Uşaq futboluna nəzarət edən hörmətli şəxslər oyuna hakim təyin etməyi unudub. Qəbələdən Bakıya gedən komandamız 16:30-a kimi gözləyib, sonra geri qayıdıb. Bu, hələ U-15 Liqasıdır. İnanın, daha aşağı liqalarda olan biabırçılıqlar lap dəhşətdir”.