Azərbaycan milli komandasının hücumçusu Renat Dadaşov mövsümə hansı klubda başlayacağına hələ qərar verməyib.

Apasport.az saytına verilən məlumata görə, 26 yaşlı hücumçuya Azərbaycan klublarından təklif olsa da, o, yerli çempionatda oynamaq qərarından daşınıb.

Hazırda futbolçuya ən real təkliflər Türkiyə, Almaniya, Polşa və Yunanıstan klublarındandır. Dadaşov hətta Yunanıstanın "Aris" klubuna keçərsə, komandanın Konfrans Liqasında "Araz-Naxçıvan"la oyunu üçün Azərbaycana gələ bilər.

Belə ki, Saloniki təmsilçisi Dadaşovun xidmətində maraqlıdır. Hazırda azad agent statusuna malik forvard qarşıdakı həftə yeni klubu ilə bağlı məsələyə qərar verəcək.

Qeyd edək ki, Renat "Ayntraxt"(Frankfurt), "Eştoril", "Vulverhempton", "Pasuş Ferreyra", "Qrasshopper", "Tondela", "Hatayspor", "Ankaragücü", "Radomyak" klublarında çıxış edib.

• Adil Şükürov: "Bu məsələ bizi də çox narahat edir" - MÜSAHİBƏ
• Federasiya rəsmisi: “Pumse növünün Olimpiya Oyunlarının proqramına daxil edilməsi gözlənilir”
• ÇL: "Çelsi" "Ayaks"ı, "Real" "Yuventus"u məğlub etdi - YENİLƏNİB
• Super Liqa: “Fənər” 3 xalı 4 qolla qazandı
• Millimizin Avropa çempionatı üçün heyəti açıqlanıb