Ötən il Azərbaycan Qran-Prisinin qalibi olan “McLaren” pilotu Oskar Piastri bu həftəsonu Bakıda yenidən qələbə qazanmağa çalışacaq.

Apasport.az xəbər verir ki, avstraliyalı sürücü Bakı trekinin onun üçün xüsusi olduğunu bildirib:

“Keçənilki Bakı yarışı ilə bağlı yalnız ən isti xatirələrim var. Mənim üçün həyatımın ən yaxşı yarışlarından biri idi və yüksək nəticə qazandığım trekə qayıtmaq hər zaman xoşdur. Yeganə məqsədim bu həftəsonunda da ötənilki nəticəni təkrarlamaqdır. Hazırda fərdi hesabda liderəm və sürücülüyümdən çox razıyam. Azərbaycana yollanmadan öncə çətin və proqnozlaşdırılması mümkün olmayan şəhər yarışına hazırlaşırdıq. Bakı texniki baxımdan mürəkkəb trasdır, pilotlardan maksimum dəqiqlik tələb edir. Bu mərhələ bizim üçün xüsusi əhəmiyyət daşıyır. Çox kəskin rəqabət var, amma biz öz vəzifələrimizə fokuslanmışıq və qarşıdakı həftəsonuna tam hazırıq”.

Qeyd edək ki, Formula 1 Azərbaycan Qran Prisi sentyabrın 19-dan 21-dək təşkil olunacaq.

• Qanalı futbolçu üçün 100 milyon avro – Ronaldo ilə komanda yoldaşı ola bilər
• Niyaməddin Paşayev: "Taekvondoçularımız bizi dəstəkləyən hər kəsi sevindirdi" - VİDEO
• Cavid Hüseynov: "Qarabağ" böyük klublara qarşı daha rahat oynamağa başlayıb"
• ÇL: "Qalatasaray"ın potensial rəqibləri bəlli olub
• “Fənər” PSJ ilə razılaşdı - 4 illik müqavilə imzalayacaq