Azərbaycanın həndbol üzrə Yüksək Liqa hakimləri Ləman və Aydan Həmidova bacıları Portuqaliyanın Kovilya şəhərində keçiriləcək Universiadada iştirak edəcəklər.

Apasport.az xəbər verir ki, Avropa Həndbol Federasiyasının “Gənc hakimlər layihəsi” çərçivəsində təşkil olunacaq yarışda 24 komanda 4 qrupda mübarizə aparacaq.

Hakimlərimiz qarşılaşmaları idarə etməklə yanaşı, təşkil olunacaq seminarda oyun qaydaları, fiziki hazırlıq və ingilis dili üzrə imtahan verəcək, həmçinin matçların idarə olunması ilə bağlı praktiki təhlillərə qatılacaqlar.

Qeyd edək ki, Ləman və Aydan Həmidova ötən il İsveçin Göteborq şəhərində açıq Avropa çempionatında da hakimlik ediblər.

• "Everton"dan ayrılan futbolçu Səudiyyə Ərəbistanı klubunda
• Azərbaycanlı hakim karyerasını başa vurub - FOTO
• Rahid Əmirquliyev: "Qarabağ" göstərdiyi oyunla ÇL-də yer alacağına bizi ümidləndirir"
• "Araz-Naxçıvan" - "Aris" matçının biletləri satışa çıxarılıb
• Fərid Fərhadzadə: “IRONMAN 70.3 BAKU” əsl idman bayramına çevriləcək”