"Fənər"in rəqibi heyətini yeni futbolçu ilə gücləndirib - RƏSMİ
25.07.2025 - 15:51
UEFA Çempionlar Liqasının III təsnifat mərhələsində "Fənərbaxça" ilə qarşılaşacaq "Feyenoord" heyətinə yeni futbolçu qatıb.
Apasport.az xəbər verir ki, Niderland təmsilçisi Belçikanın "Vesterlo" klubunda çıxış edən Cordan Bosu transfer edib.
Bu barədə "Feyenoord"un mətbuat xidməti məlumat yayıb.
Razılaşmaya əsasən, 22 yaşlı sol cinah müdafiəçisi ilə 4 illik müqavilə imzalanıb. Roterdam klubu bu transfer üçün qarşı tərəfə 5 milyon avro ödəyəcək.
Qeyd edək ki, Avstraliya millisinin üzvü olan Bos ötən mövsüm "Vesterlo"nun heyətində 19 rəsmi matçda iştirak edib, 4 qol vurub və 3 məhsuldar ötürmə ilə yadda qalıb.
Oxşar xəbərlər
Ana səhifə
Bütün xəbərlər